ပန်းပျိုးသောလက်

ရှေတုံးကတိုင်းပြည်တစ်ပြည်မှာအလွန်တရာမှလှပချောမောတဲ့မင်းသမီးလေးတစ်ပါးရှိပါတယ်တဲ့။မင်းသမီးလေးအရွယ်ရောက်လာတော့အိမ်ထောင်ချထားပေးဖို့အပြည်ပြည်အရပ်ရပ်မင်းသားတွေကိုဖိတ်လိုက်ပါတယ်။ရှင်ဘုရင်ကြီးကနန်းရင်ပြင်မှာစုရုံးရောက်ရှိလာတဲ့မင်း
သားတွေကိုမျိုးစေ့တစ်စေ့စီပေးလိုက်ပါတယ်။ဒီမျိုးစေ့ကလေးတွေကိုကောင်းမွန်စွာပြုစုပျိုးထောင်ဖို့မှာလိုက်ပါသေးတယ်။ရရှိလာတဲ့အပင်ကလေးတွေကိုပြန်ပြီးသုံးသပ်အမှတ်ပေးမှာဖြစ်ပါတယ်။အမှတ်အများဆုံးသူကိုသူ့သမီးနဲ့လက်ဆက်ပေးမှာဖြစ်ကြောင်းပြောလိုက်ပါတယ်။နောင်နှစ်အခါမှာပြန်လာဖို့ချိန်းဆိုလိုက်ပါတယ်။
ဒီလိုနဲ့မင်းသားငယ်တွေဟာနောင်နှစ်မှာအိုးကိုယ်စီကိုင်ပြီးတော့စုရုံးရောက်ရှိလာပါတယ်။အပင်ကလေးတွေကိုယ်စီနဲ့ပေါ့။ပြီးတော့အကဲဖြတ်လူကြီးများကိုသူတို့
ဘယ်လိုအပင်တွေကိုပြုစုပျိုးထောင်လာရတယ်ဆိုတာကိုရှင်းပြကြပါတယ်။ဒါပေမဲ့မင်းသာငယ်တစ်ပါးကတော
့ အိုးအလွတ်ကလေးတစ်လုံးပဲပါလာပါတယ်။သူဒီမျိုးစေ့ကိုကောင်းမွန်စွာပြုစုပျိုးထောင်တယ်ဆိုတဲ့အကြောင်းနဲ့ဘယ်လိုပဲဂရုစိုက်စေကာမူအပင်ပေါက်လာခြင်းမရှိကြောင်းရှင်းပြပါတယ်။
အချိန်တန်တော့ရှင်ဘုရင်းကြီးထွက်လာပါတယ်။အားလုံးရင်တထိတ်ထိတ်နဲ့အဖြေကိုစောင့်စားနေကြပါတယ်။ဘာအပင်မှမပေါက်တဲ့အိုးပိုင်ရှင်မင်းသားလေးနဲ့သူ့သမီးကိုလက်ဆက်ပေးလိုက်ပါတယ်။ပြီးတော့ရှင်းပြလိုက်ပါတယ်။အပင်မပေါက်နိုင်တဲ့မျိုးစေ့လေးတွေကိုပေးလိုက်တာပါ။ဒါကြောင့်ရိုးသားတဲ့မင်းသားလေးကအမှတ်အများဆုံးရသွားပါတယ်။

ကြောင်မွေးချင်တဲ့ရဟန်းငယ်

ကြောင်မွေးချင်တဲ့ရဟန်းငယ်
ရှေးအခါကရဟန်းတော်ကြီးတစ်ပါးနှင့်တပည့်ရဟန်းငယ်တို့ဟာတရားရှာဖွေရန်အလို့ငှာတောရဆောက်တည်ရန်ကောင်းမွန်
သော လူသူနှင့်ဝေးသော တောရွာကလေးတစ်ခုကိုရောက်ရှိလာကြပါတယ်။
ဆရာဖြစ်သူဟာသူ့တစ်ပည့်ငယ်ကို ထားခဲ့ပါတယ်။
ဆရာ။ ။တပည့် မင်းဒီရွာမှာပဲနေခဲ့ပေတော့ဆရာကနောက်တောင်တစ်တောင်ပေါ်ကရွာကလေးမှာသွားအားထုတ်မယ်။
ရဟန်းဆိုတာသံယောစဉ်နဲရတယ်ကွမင်းနဲ့ငါနဲ့တစ်နေရာဆီခွဲပြီးတရားအားထုတ်ကြမယ်။ငါတို့လိုချင်တဲ့ရည်မှန်းချက်
တွေပြည့်ပြီဆိုတော့ပြန်ဆုံကြတာပေါ့ကွာ။
ရွာသားများကလည်းဝမ်းသာအားရတောရကျောင်းကလေးတစ်ကျောင်းရွာအပြင်ဘက်မှာဆောက်ပေးကြပါတယ်။သူတို့အတွက်အားထားစရာ
ရဟန်းတစ်ပါးလည်းရကုသိုလ်ပြုလုပ်ဖို့အခွင့်အရေးလည်းရတာပေါ့လေ။ဆရာဖြစ်သူလည်းတပည့်ဖြစ်သူကိုတရားအားထုတ်ဖို့တိုက်တွန်းရင်းဆက်လက်ထွက်ခွာသွားပါတော့တယ်။ဒီလိုနဲ့
နွေရယ် မိုးရယ် ဆောင်းရယ် ရာသီတွေပြောင်းလဲ ခဲ့ပါတယ်
ဆရာဖြစ်သူဟာသူ့ရည်မှန်းချက် ပြည့်ဝပြီဖြစ်လို့ တပည့်ဖြစ်သူကို
ခေါ်ဆောင်ဖို့ရာလာရောက်ခဲ့ပါတော့တယ်။
ရွာအ၀င်ခပ်လှမ်းလှမ်းရောက်တော့တောရကျောင်းကလေးကိုလှမ်းမြင်ရပါတယ်။အနားမှာလည်းစပါးတွေစိုက်ပျိုးထားပြီးကျောင်း
နှင်မတူပဲလူနေအိမ်နဲ့တူနေပါတယ်။အ၀တ်တွေလှမ်းထားတာကိုလည်းမြင်ရပြီးကလေးငိုသံစသည့်ဆူညံဆူညံအသံတွေကိုကြားရပါတယ်။
ဆရာဖြစ်သူလည်းအင်းငါ့တပည့်လည်းတရားအားမထုတ်ပဲလူတွေနဲ့ရုံးရုံး
ရုံးရုံးလုပ်နေတာကိုး လို့တွေးရင်းကျောင်းသင်္ကန်းကလေးရဲ့
အပေါ်ကိုတက်လာပါတယ်။
ဆရာဖြစ်သူလည်းအပေါ်ရောက်တော့လူဝတ်နဲသူ့တပည့်ကလေးထိမ်းနေပြီး
ဒကာမလေးတစ်ဦးကဗျစ်တောက်ဗျစ်တောက်နဲ့အိမ်
မူ့ကိစ္စတွေလုပ်နေတာတွေ့လိုက်ရပါတယ်။အခြားကလေးငယ်နှစ်ဦးကလည်းအရုပ်တစ်ခုကိုလုယက်ပြီးဆူညံစွာဆော့ကစားနေပါတယ်။
ဆရာတော်ကြီးကိုတွေ့တော့
တပည့်ဖြစ်သူရဟန်းလူထွက်နဲ့သူ့အိမ်သူဟာဆရာတော်ကြီးကိုရိုသေစွာကန်တော့ပါတယ်။

ဆရာတော်။ ။ တပည့်မင်းကဘယ်လိုဖြစ်တာတုံး။
တပည် ။ ။တပည့်တော်လည်း သံသယာ
လွတ်ကြောင်းအားထုတ်မယ်ဆိုပြီးတစ်ပါးတည်းအားထုတ်ပါတယ်ဘုရား။
ဒါပေမဲ့ကြွက်တွေကအလွန်သောင်းကျန်းပြီးသင်္ကန်တွေကိုကိုက်ဖြတ်ပါတယ်ဘုရား။ဒါနဲ့တပည့်တော်လည်းရွာထဲကို
ဆွမ်းခံကြွရင်းသင်္ကန်းချုပ်ခိုင်းရပါတယ်။ခဏခဏဖြစ်လာတော့ရေရှည်အတွက်ကောင်းအောင်ဆိုပြီးကြောင်တစ်
ကောင် လှုလိုက်ကြပါတယ်ဘုရား။ကြောင်လှုလိုက်မှကြောင်အတွက်နွားနို့ကလိုလာပြန်ပါရောဒီတော့နို့စားနွားမ
တစ်ကောင်ထပ်အလှုခံရပြန်ပါတယ်။နွားရောက်လာတော့ကြွေးဖို့မြက်ကလိုလာပြန်ပါတယ်ဘုရား။သူတို့ကပဲနွားအတွက်ကျောင်းနားမှာလယ်တစ်ကွက်ထပ်လှုပါတယ်။နွားစာကျက်လုပ်ဖို့ပါပဲ။နောက်တော့လယ်ကွက်ရှိနေတော့မထူးပါဘူးဆိုပြီးကျောင်းအတွက်ဆွမ်းလည်းရနွားအတွက်ကောက်ရိုးလည်းရအောင်စပါးစိုက်ဖို့ဒကာဒကာမတွေကအကြံပေး
ကြပါတယ်။ရွာထဲကလူတွေပဲဝိုင်းဝန်းစိုက်ပျိုးပေးကြပါတယ်။အချိန်တန်လာတော့စပါးရိတ်ဖို့ကောက်စိုက်သမကလိုလာပြန်ပါတယ်။နောက်ဆုံးတော့ကောက်စိုက်သမလေးနဲ့ပဲတပည့်တော်နဲ့ညားကြပါတယ်ဘုရား။
ဒကာမလေးလည်းရှက်ရှက်နဲ့ခေါင်းငုံနေပါတယ်။
ဆရာတော်ကြီးလည်းသူ့တပည့်ကိုပြန်ခေါ်ဖို့ဆိုတာမဖြစ်နိုင်တော့ဘူးဆိုတာသိလိုက်ပြီနောက်တိတ်ဆိတ်စွာပဲထွက်ခွာသွားပါတော့တယ်။
( ခရစ်စတီးနားမူတီးရဲ့ပုံပြင်ပါ )

မြို့အ၀င်လမ်းမ

တစ်ခါကမြို့ကလေးတစ်မြို့ရဲ့မြို့အ၀င်လမ်းမတစ်ခုမှာပန်းပဲဖိုတစ်ခုရှိပါတယ်။ပန်းပဲဆရာဟာပက်လက်ကုလားထိုင်တစ်ခုမှာထိုင် ပြီးငိုက်မျဉ်းနေပါတယ်။ထိုအချိန်မှာပဲအထုပ်အပိုးအပြည့်အစုံနဲ့ကားတစ်စီးကဆိုက်ရောက်လာပြီးလမ်းမေးပါတယ် ပြီး .  .  .
ကားဆရာ ။    ။ ဆရာကြီးဒီမြို့ကလူတွေကဘယ်လိုလူမျိုးတွေလည်းဗျကျုပ်ကဒီမြို့မှာတာဝန်ကျလို့ပြောင်းလာတာပါ။ဒီ
        မြို့ကလူတွေအကြောင်းသိထားချင်လို့ပါ။
ပန်းပဲဆရာ။    ။ နေပါအုံးခင်ဗျားပြောင်းလာတဲ့မြို့ကလူတွေကကောဘယ်လိုလဲ။
ကားဆရာ ။    ။ မစွန်ပါဘူးဗျာဆက်ဆံရေးကလည်းကျဲလိုက်တာ ၊ ရိုင်းပင်းကူညီမူလည်းမရှိကြဘူး အခုလိုပြောင်းခွင့်ရတာကိုက ကံကောင်းတာပဲဗျို့။
ပန်းပဲဆရာ။    ။ ဒီမြို့ကလူတွေကလည်းဒီအတိုင်းပါပဲ။
ကားဆရာလည်းရှေ့ဆက်မောင်းသွားပါတယ်။ပန်းပဲဆရာကြီးလည်းဆက်ပြီးငိုက်မျဉ်းနေပါတော့တယ်။အတန်ကြာတော့နောက်ထပ်မိသာစု တစ်စုဟာကားတစ်စီးအပြည့်အထုပ်အပိုးတွေနဲ့ရောက်လာပြန်ပါတယ်။
    ဒုကားဆရာ ။    ။ ဗျို့ဆရာကြီး ဒီမြို့ကလူတွေအကြောင်းလေးပြောပြပါအုံး။ကျွန်တော်တို့ကဒီကိုပြောင်းလာတာဗျ။
    ပန်းပဲဆရာ  ။    ။ ခင်ဗျားနေခဲ့တဲ့မြို့ကလူတွေကကောဘယ်လိုတုံး။
ဒုကားဆရာ ။    ။ကျွန်တော်နေခဲ့တဲ့မြို့ကလူတွေကကောင်းကြပါတယ်။မလွဲသာလို့သာပြောင်းလာခဲ့ရတာ ဆွေမျိုးရင်းချာ တွေလိုဖြစ်နေပါပြီ။
ပန်းပဲဆရာ  ။    ။ ဒီမြို့ကလူတွေကလည်းဒီအတိုင်းပါပဲ။
ပန်းပဲဆရာကြီးလည်းပြန်လည်ငိုက်မျဉ်းနေပါတော့တယ်  .     .     .

သင်နေခဲ့တဲ့မြို့ကလူတွေကော ကောင်းကြပါရဲ့လား   .    .    .

ရွာစွန်ကမြေကွက်

ရွာတစ်ရွာကိုလူတစ်ဦးရောက်လာပါတယ်။တစ်ရွာမပြောင်းသူကောင်းမဖြစ်ဆိုသလိုရေကြည်ရာမြက်နုရာရွေ့ပြောင်းအခြေချဖို့ဆိုတဲ့ရည်ရွယ်ချက်နဲ့ပေါ့။ရွာသူကြီးနဲ့သွားရောက်တွေဆုံပြီးသူဒီရွာမှာလာရောက်အခြေချလိုကြောင်းပြောပါတယ်။
ရွာသူကြီး။    ။ကျုပ်တို့ရွာကလူသစ်များကိုကြိုဆိုပါတယ်။အခြေချလာရောက်လိုတဲ့လူသစ်တွေအတွက်အထူးအခွင့် အရေးအနေနဲ့ရွာအပြင်ဘက်မှာလုပ်ကိုင်စားသောက်ဖို့မြေကွက်ပါအလကားပေးပါတယ်
လူသစ်  ။    ။ဝမ်းသာလိုက်တာဗျာ၊ ဟန်ကျတာပေါ့ ကျွန်တော့်ကိုနေရာလေးပြပေးပါလားဗျာ။
ရွာသူကြီး။    ။ ခင်ဗျားအလိုရှိသလောက်မြေနေရာကိုကျုပ်တို့ပေးနိုင်ပါတယ်၊ လိုသလောက်ပေါ့ဗျာ။
    လိုသလောက်မြေကိုခင်ဗျားပတ်ပြေးရမယ်စပြေးတဲနေရာကိုဒီနေ့နေမ၀င်ခင်ပြန်ရောက်ရင်ပြီးတာပါပဲ။
အဲဒါခင်ဗျားအပိုင်ပဲ
လူသစ်  ။    ။ဝမ်းသာလိုက်တာဗျာ၊ကျွန်တော့်ကိုစရမယ့်နေရာသာပြပေးပါ။
ရွာသူကြီး။    ။ ရော့ဒီမှာ .   .  .ခင်ဗျားဘယ်လောက်ဝေးဝေးပြေးခဲ့သလဲဆိုတာမှတ်သားဖို့ငုတ်တိုင်
ဒီလိုနဲ့အဲဒီလူဟာအချိန်မဆိုင်းပဲစတင်ပြေးပါတော့တယ် သူ့အတွက်အခွင့်အရေးပဲမဟုတ်လား။အစတုံးကတော့သူ့အတွက်လုပ်ကိုင် စားသောက်ဖို့နေရာကလေးရင်တော်ပြီဆိုတဲ့အတွေးကလေးနဲ့ပါပဲ။ ပြေးရင်းနဲ့သူကစဉ်းစားပါတယ်အချိန်တွေလည်းရှိသေးတာပဲနဲနဲလောက်
ပိုပြေးလိုက်ပါအုံးမယ်မြေနေရာလေးကျယ်ကျယ်ပြန့်ပြန့်လေးလုပ်ကိုင်စားသောက်ရတာပေါ့။အတန်ကြာတော့လှည့်ကြည့်ပါသေးတယ်ရွာစွန်ကလူအုပ်ကိုမြင်နေရတုံးပဲပြန်လှည့်ရင်ကောင်းမလားပေါ့ ။နေကိုကြည့်ရင်းစဉ်းစားပြန်ပါတယ်နေ၀င်ဖို့လိုသေးတာပဲရှေ့ကမြေတွေကလည်း မဆုံးနိုင်အောင်ကျယ်ပြန့်နေပြီးမြေသြဇာကောင်းမယ့်ပုံပဲနေမ၀င်ခင်ပြန်ရောက်ရင်ပြီးတာပဲ။ ဒီလိုနဲ့စဉ်းစားလိုက်ပြေးလိုက်ပေါ့။လောဘကဦးစီး လာတော့သူ့ကိုသူတော်တော်မောပန်းနေပြီဆိုတာကိုတောင်မသိတော့ပါဘူး ငါရပါသေးတယ်ပေါ့။
    ရွာကလူအုပ်ကြီးနဲ့ရွာသူကြီးကရွာထိပ်မှာနေ၀င်တဲ့အထိစောင့်ဆိုင်းနေပါသေးတယ်။
နောက်တနေ့မနက်ရွာသူကြီးနဲ့ရွာသားတစ်ချို့ကလိုက်ရှာတော့ရွာနဲ့တော်တော်ဝေးဝေးတောတန်းကလေးအနီမှာ၏ငုတ်တိုင်ကိုဆုပ်ကိုင်လျက်
သားလဲကျသေဆုံးနေတဲ့လူစိမ်းဖြစ်သူကိုတွေ့ရပါတယ်။
ရွာသူကြီး။        ။ သြော် . . သူလည်းအခြားသူတွေလိုပါပဲလား .   .   .   .    .

ပြေးလည်းပြေး နားလည်းနားပေါ့နော်  .    .    .    လိုအင်တွေပြည့်စုံကြပါစေ

နွားချေးပုံ

တစ်ရံသောအခါကအသိဥာဏ်ပညာနှင့်ပြည့်စုံတဲ့ရဟန်းအိုကြီးတစ်ပါးဟာတော ကျောင်းကလေးတစ်ခုမှာအေးချမ်းစွာသီတင်းသုံးနေပါတယ်။သူ့ကိုကြည်ညိုတဲ့ဒကာဒကာမတစ်ချို့ဟာလာရောက်ပြီးတရားဆွေးနွေးမေးမြန်းလေ့ရှိကြပါတယ်။
တရားဝါသနာပါတဲ့မောင်နှမနှစ်ဦးလည်းပါဝင်ပါတယ်။အစ်ကိုဖြစ်သူကကတ်သီးကတ်သတ်ပြောဆိုဆွေးနွေးရတာဝါသနာပါပါတယ်။သို့သော်လည်းပဲဥာဏ်ပညာကြီးမားတဲ့ဆရာ တော်ကြီးကို တော့အမြဲပဲအရူံးပေးရပါတယ်။
ဒီလိုနဲ့တစ်နေ့မှာ  .   .

ဒကာ    ။    ။ အရှင်ဘုရားတပည့်တောကိုဘယ်လိုမြင်ပါသလဲ။
ရဟန်းအို။    ။ ဒကာသင်ဟာလူကောင်းတစ်ယောက်ဖြစ်ပါတယ်။ အရည်အချင်းကောင်း
တွေအများအပြားရှိပါတယ်။ဘုရားအလောင်းတော်လိုလူမျိုးပါပဲ။
(ဒကာဖြစ်သူဟာလွန်စွာဝမ်းမြောက်သွားပါတယ် )
ရဟန်းအို    ။    ။ဒါနဲ့ဒကာကောကျွန်ုပ်ကိုဘယ်လိုမြင်ပါသလဲ။
(သက်တော်ကြီးရင့်နေပြီဖြစ်တဲ့ရဟန်းတော်ကြီးဟာရုပ်သွင်နုပျိုလမ်းဆမ်းမူ့တွေမရှိတော့ပါဘူး)
ဒကာ    ။    ။ အရှင်ဘုရားကိုကြည့်ရတာ နွားချေးပုံနဲ့တူပါတယ်။
        ( ရဟန်းတော်ကြီးကလည်းပဲကျေကျေနပ်နပ်နဲ့ပဲခေါင်းညိတ်လက်ခံတော်မူပါတယ်)
ဒကာဖြစ်သူဟာဒီတစ်ခါတော့သူအနိုင်ရပြီဆိုပြီးတော့ဝမ်းသာအားရနဲ့အိမ်ကိုပြန်လာပါတယ်။
ညီမဖြစ်သူဟာလည်းပဲအသိဥာဏ်ပညာနဲ့ပြည့်စုံသူဖြစ်ပါတယ်။

အစ်ကို    ။    ။ ညီမ ငါဒီတစ်ခါတော့ဆရာတော်နဲ့စကားပြောတာအနိုင်ရလာပြီကွ။ဆရာတော်က
        ငါ့ကိုဘုရားအလောင်းနဲ့တူတယ်လို့ပြောတာငါကသူ့ကိုနွားချေးပုံနဲ့တူတယ်လို့ပြန်
ပြောလိုက်တယ်။
ညီမ    ။    ။ အစ်ကိုမှားပြီဆရာတော်ဟာသူတော်ကောင်းဖြစ်တယ်သူ့ရင်ထဲမှာတရားတွေပြည့်
        ၀နေလို့ကောင်းတဲ့အရာတွေကိုမြင်အောင်ကြည့်တတ်သူဖြစ်တယ်။အစ်ကို့ရင်ထဲ
        မှာတော့နွားချေပုံပဲရှိလို့ဘာကိုပဲကြည့်ကြည့်နွားချေးပုံလို့ပဲမြင်တာပေါ့။
အစ်ကို    ။    ၊   ဟိုက်       .          .            .

        မဟာရနပုံပြင်လေးတစ်ပုတ်ပါ  .     .     .     .
        ကျွနုပ်တို့၏ရင်ထဲမှာကောဘာတွေပါလဲ   .     .     .     .
( ဗီယက်နမ်လူမျိုး ဆရာတော်တစ်ပါးနှင့် ရွှေဥမင်တရားပြဆရာတော်ဦးတေဇနိယတို့ ပြောသည် )

ဘဲဥတစ်ခြမ်း

    လင်မယားနှစ်ယောက်ရှိပါတယ်။အလွန်မှပဲချစ်ခင်မြတ်နိုးကြပါတယ်။ဆင်းလည်းရဲကြပါတယ်။
ဟင်းဆိုလို့ဘဲဥဟင်းသာအချက်များကြပါတယ်။ဆင်းရဲလွန်းလို့ဘဲဥတစ်လုံးကိုနှစ်ယောက်ခွဲစားကြပါ
တယ်။ယောင်္ကျားဖြစ်သူကအကာကိုပဲစားပြီးတော့မိန်မဖြစ်သူကိုအနှစ်ကြွေးပါတယ်။ဒီလိုနဲ့ပဲချစ်ချစ်ခင်ခင်နေထိုင်ကြပါတယ်။နှစ်တွေလည်းကြာအသက်တွေလည်းအိုမင်းကြီးရင့်လာကြပါတယ်။
    တကယ်တော့သူကအနှစ်ကိုသာလွန်စွာကြိုက်နှစ်သက်သူဖြစ်ပါတယ်။သူအလွန်ချစ်မြတ်နိုးတဲ့သူမိန်းမဖြစ်သူကိုသာစားစေပါတယ်။တစ်နေ့အိုမင်းမစွမ်းဖြစ်တဲ့အမျိုးသားဟာသေမင်းနှင့်ရင်ဆိုင်နေရပါတယ်သူမသေခင်မှာ ဘဲဥအနှစ်စားချင်ကြောင်းပြောပါတယ်။
    သူတို့မသိတဲ့အချက်ကတော့မိန်းမဖြစ်သူကလည်းအကာကိုပဲကြိုက်တာပါ။သူကြိုက်တဲ့အကာကိုသူ့အမျိုးသားကိုသာစားစေတာပါ။ပြောင်းပြန်ဖြစ်နေတာပေါ့နော်။သေခါနီးမှပဲသိသွားကြရပါတယ်။

    ကျွန်တော်တို့တစ်တွေဟာမိမိချစ်ခင်သူအတွက်ဆိုရင်စွန့်လွတ်အနစ်နာခံနိုင်ကြပါတယ်။
နားလည်ဖို့ကောကြိုးစားကြပါရဲ့လား     .     .     .

( ဗီယက်နမ်လူမျိုး ဆရာတော်တစ်ပါးနှင့် ရွှေဥမင်တရားပြဆရာတော်ဦးတေဇနိယတို့ ပြောသည် )

အရိပ်ပုံပြင်

    ဟိုးအလွန်ရှေးကျတဲ့ခေတ်ကပေါ့နော် လူသားမျိုးနွယ်တစ်စုဟာအလွန်ကြီးမားတဲ့ဂူကြီးတစ်ခု
ထဲမှာပဲစုပေါင်းနေထိုင်ကြပါတယ်။အပြင်လောကနဲ့အဆက်အသွယ်ပြတ်နေတာပေါ့နော်။သူတို့ရဲ့တစ်နေ့တာအချိန်တွေကိုဂူနံရံပေါ်မှာသက်ဝင်လူတ်ရှားနေတဲ့အရိပ်ပြဇာတ်ကလေးတွေနဲ့ကုန်လွန်စေတာပေါ့။
    စူးစမ်းလေ့လာတတ်တဲ့လူငယ်လေးတစ်ဦးဟာတစ်နေ့တောအရုပ်လေးတွေကိုကြည့်ရင်းသိ ချင်စိတ်တွေနိုးထလာပါတယ်။သူဟာနောက်ကိုလှည့်ကြည့်မိတဲ့အခါအရိပ်ကလေးတွေဟာသူ့အလိုလို
ဖြစ်နေတာမဟုတ်ပဲ တစ်ကယ့်အရုပ်ကလေးတွေကို မီးထိုးပြသထားလို့ဆိုတာကိုသိလာပါတယ်။
    သူ့ရဲ့သိချင်စိတ်တွေကရပ်တန့်မသွားပါဘူး ဒီလိုနဲ့အစရှာဖွေရင်းနဲ့ဂူအပြင်ဘက်ကိုရောက်သွား ပါတယ်။ပိုပြီးအံ့သြောစရာကောင်းတာကအရုပ်ကလေးတွေနဲ့တူတဲ့သက်ရှိသတ၀ါတွေပါပဲ။ဂူကြီးထဲမှာ တွေ့ခဲ့တာအားလုံးဟာအပြင်လောကမှာအမှန်တယ်ရှိနေပါတယ်။
    ပြင်ပလောကမှာတွေ့ရတာတွေကပိုပြီးတော့စုံလင်ပါတယ်၊ပိုပြီးတော့လှပပါတယ်အရေအတွက်အားဖြင့်လည်းမကုန်နိုင်အောင်ပါပဲ။နေတွေ လတွေ တောတောင်သစ်ပင်ပန်းမန်တွေတိရိတ္ဆာန်အမျိုးမျိုး တွေနဲ့ပြည့်နှက်နေပါတယ်။
    အပြင်သတ္တလောကြီးကိုတစ်မေ့တစ်မောစီးမြောပြီးလေ့လာကောင်းနေလိုက်တာအချိန်တွေ ကုန်လွန်မှန်းမသိနိုင်အောင်ပါပဲ။အချိန်တန်တော့သူသိထားတာတွေကိုသူ့မျိုးနွယ်ဂူတွင်းအောင်းလူတွေသိစေချင်လာပါတယ်။ကျယ်ပြန့်လှတဲ့လောကကြီးအကြောင်းကိုပြန်လယ်မျှဝေခံစားချင်တာကြောင့်ဝမ်းသာအားရပြန်လာခဲ့ပါတယ်။
    လူကြီးလူငယ်အားလုံးဟာအရိပ်ပြဇာတ်တစ်ခုပေါ်မှာသာစိတ်ဝင်တစ်စားနေကြပါတယ်။
    သာမန်အရိမ်မည်းမည်းလေးတွေလောက်သာတစ်ဘ၀လုံးတွေ့ကြုံသိနားလည်ထားတဲ့လူအ များစုကိုသူလက်တွေ့သိနားလည်ထားတဲ့ကျယ်ပြန့်တဲ့လောကကြီးအကြောင်းကိုပြောပြဖို့ရာမှာအစရှာမရဖြစ်နေပါတော့တယ်။
    မီးဖိုအရိပ်လေးတွေပေါ်မှာပဲစူးနစ်ပြီးတော့ပျော်ရွင်နေတဲ့သူတွေကိုပြောပြဖို့ရာမှာသူမစွမ်းနိုင် တော့ပါဘူး။ သူတို့အသိနဲ့ပဲသူတို့ပျော်ရွင်နေကြပါစေတော့။
        ( နယူးယောက်ကဂရက်ဂရီတောင် ပြောသည် )
   

လှေထိုးသမလေးနဲ့ကိုယ်တော်ကလေး

အေးချမ်းတဲ့တောရကျောင်းကလေးတစ်ခုမှာသံဃာတော်များနေထိုင်ကြပါတယ်။ချောင်းငယ်လေးတစ်ခုက၀န်းပတ်စီးဆင်းနေပါတယ်တခြားနေရာများသို့သွားလာလိုပါကချောင်းကလေးတစ်ခုမှတစ်ဆင့်ဖြတ်သန်းသွားလာကြရပါတယ်။ချောင်းငယ်ကလေးကိုဖြတ်သွားဖို့ရာကူးတို့လှေကလေးတစ်စီးပဲရှိပါတယ်။ကူးတို့ကိုလှော်ခတ်တဲ့ကူတို့သမားကလေးကလည်းအလွန်ချောမောလှပတဲ့မိန်းမပျိုလေးဖြစ်ပါနေပါတယ်။ဒီမိန်းကလေးကအသိဥာဏ်ပညာနဲ့ပြည့်စုံသူကလေးပါ။စီးစရာကလည်းဒီလှေနဲ့ဒီမိန်းကလေးပဲရှိတာပေါ့နော်။
ကိုယ်တော်ငယ်ကလေးတစ်ပါးဟာအကြောင်းကိစတစ်ခုကြောင့်ဆရာတော်ကြီးတစ်ပါးကိုသွားရောက်ဆည်းကပ်ဖို့လိုအပ်လာပါတယ်။ချောင်းငယ်ကလေးကိုဖြစ်သန်းသွားလာရပါတယ်။ကူးတို့ကူးခတ်တဲ့မိန်းမပျိုကလေးကလွန်စွာချောမောလှပတာကြောင့်ကိုယ်တော်က လေးကငေးမောနေမိတာပေါ့။တစ်ဘက်ကမ်းရောက်တော့ကူတို့ခတစ်ကျပ်စီပေးကြရပါတယ်။
မိန်းမပျို     ။    ။ ကိုယ်တော်ကနှစ်ကျပ်ကျပါတယ်။
ကိုယ်တော်  ။    ။ ဒကာမလေးသူများတွေကျတော့တစ်ကျပ်ပဲကျပြီးကျုပ်ကျမှဘာလို့နှစ်ကျပ်ကျတာလဲ။
မိန်းမပျို    ။    ။ကိုယ်တော်ကရဟန်းဖြစ်ပြီးတပည့်တော်ကိုငန်းတယ်ကိုယ့်တော်ရင်ထဲမှာနှစ်ယောက်ဖြစ်နေပြီဒါ့         ကြောင့်မို့လို့နှစ်ယောက်ခပေးရမယ်။

ကိုယ်တော်ကလေးလဲရှက်ရှက်နဲ့နှစ်ယောက်ခပေးလိုက်ရပါတယ်။ညနေကျောင်းပြန်တော့ဒီလှေကလေးနဲ့ပဲပေါ့။ဒီတစ်ခါတော့ကိုယ်တော်က လေးကလှေခနှစ်ဆပေးရမှာစိုးလို့မိန်းမပျိုလေးကိုလုံးဝမကြည့်တော့ပါဘူးမြစ်ရေပြင်ကိုသာစိုက်ကြည့်နေပါတယ်။
ကမ်းရောက်တော့   .     .     .

    မိန်းမပျို    ။    ။ ကိုယ်တော်နှစ်ကျပ်ကျပါတယ်။
ကိုယ်တော်  ။    ။ ဒကာမလေးငါနင့်ကိုလုံးဝမကြည့်ပဲဘာလို့ထပ်ပိုတောင်းရတာတုံး။
မိန်မပျို    ။    ။ ကိုယ်တော်ကတပည့်တော်ကိုမကြည့်ပေမဲ့တစ်လမ်းလုံးတပည့်တော်အကြောင်းပဲတွေးတောလာတာ ဆိုတော့ကိုယ်တော့ခေါင်းထဲမှာလူနှစ်ယောက်ဖြစ်နေတယ်။မရဘူး နှစ်ယောက်ခပဲပေးရမယ်။

ကိုယ်တော်ကလေးလည်းဟုတ်နေပြန်တော့နှစ်ယောက်ခပေးလိုက်ရပြန်ပါတယ်။ဒီလိုနဲ့နေစဉ်အသွားနှစ်ကျပ်အပြန်နှစ်ကျပ်ပေးနေရပါတယ်။
ကိုယ်တော်ကလေးလည်းဆရာသမားထံသူ့အဖြစ်အပြက်တွေကိုပြောပြပြီးအကူအညီတောင်းခံပါတယ်။
ဆရာတော်။    ။ဒီမိန်းကလေးဟာဥာဏ်ရှိတဲ့သူဖြစ်တယ်။ဒီတစ်ခါမင်းလှေစီးရင်မျက်နှာလွဲစရာမလိုပါဘူး။မင်းရင်ထဲမှာဖြစ် နေတဲ့ကိလေသာသံယောစဉ်တွေကိုသာသိမှတ်ပြီးတရားရူ့သွားပါ ကိုယ်တော်အဆင်ပြေပါလိမ့်မယ်။

ကိုယ်တော်ကလေးလည်းအဲဒီကစပြီတော့လှေခနှစ်ဆပေးစရာမလိုတော့ပါဘူး။

ကျွန်တော်တို့ဟာနေ့စဉ်ကြုံတွေ့နေရတဲ့လောကဓံတရားတွေကိုနည်းအမျိုးမျိုးနဲ့ရင်ဆိုင်ဖြေရှင်းကြပါတယ်။တကယ်ရင်ဆိုင်ကြရမှာကမိမိတို့ရဲ့စိတ်အညစ်အကြေးတွေမဟုတ်ပါလား   .    .     .     .   

(ဗီယက်နမ်လူမျိုးဆရာတော်တစ်ပါးနှင့်ရွှေဥမင်တရားပြဆရာတော်ဦးတေဇနိယတို့ပြောသည်)

ရဟန်းအိုနဲ့ဆာမူရိုင်း

တစ်ခါကပေါ့ရဟန်းအိုကြီးတစ်ပါးဟာသစ်ပင်ရိပ်ကောင်းကောင်းတစ်ခုမှာအေးချမ်းစွာတရားရူ့မှတ်သီတင်းသုံးနေပါတယ်။ အသိဥာဏ်နုံ့နဲသောရုပ်သွင်ခက်ထန်မာကြောသောဆာမူရိုင်းတစ်ဦးဟာကင်ဒိုဓားကြီးထမ်းပြီးတော့တောလမ်းကလေးတစ်ခုအတိုင်းလမ်း လျောက်လာရင်းဆရာတော်သီတင်းသုံးနေထိုင်တဲ့အနားကိုရောက်လာပါတယ်။
ဆာမူရိုင်း။        ။ဒီမှာကိုယ်တော်ကြီးကျုပ်ကတရားတွေဘာတွေသိပ်ဂရုစိုက်တဲ့အကောင်မဟုတ်ဘူးဗျ၊ ရှည်ရှည်ဝေးဝေးလည်းမသိချင်ဘူး။တိုတိုနဲ့လိုရင်သာပြောဗျာ နတ်ပြည်ဆိုတာဘာလဲ ၊ ငရဲပြည်ဆိုတာဘာလဲ။
ရဟန်းအို။        ။ မင်းလိုဥာဏ်မရှိတဲ့ကောင်ကိုငါဒီအကြောင်းတွေဘယ်လိုရှင်းပြလို့ရမလဲကွ။
ဆာမူရိုင်းကြီးဟာလွန်စွာဒေသထွက်သွားပါတယ်။သူ့ဓားကြီးနဲ့ဆရာတော်ကြီးကိုခုတ်ပိုင်းဖြတ်ရန်မိုးပြီးရွယ်လိုက်ပါတယ်။ဆရာတော်ကြီးအေးချမ်းစွာသူ့ကိုကြည့်ပြီးတော့ပြောပါတယ်။
    ရဟန်းအို။        ။ အေးအဲဒါ ငရဲပဲ။
ဆေးချမ်းတဲ့ရုပ်သွင်ရှိသောဆရာတော်ကြီးရဲ့စကားနဲ့အမူအရာကဆာမူရိုင်းကြီးတွေဝေသွားစေပါတယ်၊ရုတ်တရက်အသိဥာဏ်ဝင်သွားပါတယ်။ဓားကိုပြစ်ချလိုက်ပြီးတော့ဆရာတော်ကြီးကိုလက်အုပ်ချီပြီးတော့လျှောက်ပါတယ်။
    ဆာမူရိုင်း။        ။ တပည့်တော်ကိုခွင့်လွတ်ပါ။
    ရဟန်းအို။        ။ အေးအဲဒါ နတ်ပြည်ပဲ


တိုတိုလေးပါပဲနော်တရားလေးက   .       .      .
မိမိတို့တစ်တွေကောတစ်နေ့တစ်နေ့ငရဲပြည်နဲ့နတ်ပြည်ကိုအကြိမ်ပေါင်းမည်မျကူးလူးသွားလာနေကြပါသလဲ   .   .    .

တစ်နေရာမှာဖတ်ဖူးတဲ့ပုံပြင်ကလေးပါနဲနဲလွဲရင်ခွင့်လွတ်နော်


--
Tun Min Thant
www.lotuscare.us
www.tunminthant.blogspot.com

Baby meditation

24 dhamma cycle

let prevail dhamma